حوار الذات

أرجع لنفسي والسوالف معاها*****واقرا تواريخ الليالي والايام

يوم اسال حالتي وش بلاها*****وادرس خطاويها بذا اليوم والعام

هم العمل درب الحياة وشقاها*****وفي واقعي سجيت في بحر الاحلام

عشت الاماني وارتقينا سماها*****هي راحت للنفس لو كانت أوهام

اطلع من الدنيا وافارق غثاها*****واعيش حال الطير في الجو هام

فجأه والى الواقع بسهمه رماها*****قامت تقلب في السماء مثل الاجرام

ما ادري متى حظي يحقق مناها*****حظي على طاريه ياللأسف صام

لكن ترى درب التفائل رجاها*****صكيت باب الياس بلحام لحام

نفسي رمت كل المشاكل وراها*****وجهزت خيل الفال براج ولحام

فتحت صفحه واستغثنا عساها*****لازلت اشوف النور في خط الاقلام

أتمنـــــــــــــــــــــــــــــى تعجبكــــــــــــــــــــــــــم
و شكـــــــــــــــــــــــــــــــــرا


ً